Илјадната публика на третата фестивалска вечер на “Пиво Фест” немаше време да здивне по настапите на Лозано, “Некст Тајм”, “Супер Хикс” и Ламбе Алабаковски, затоа што веднаш после нив на сцената застана босанскиот шармер, Хари Варешановиќ и неговиот бенд.

Илјадната публика на третата фестивалска вечер на „Пиво Фест” со нетрпение го очекуваше настапот на Ламбе Алабаковски, а тој возврати со многу емоции на сцената.

Пред неговиот настап рече дека неговите мисли денеска се со Македонија и не му е до пеење, а настапот го започна со една од неговите најпознати песни „Земјо моја”.

Во еден момент Ламбе од публиката доби знаме со сонцето од Кутлеш и гордо го развиори, потег кој беше поздравен со громогласен аплауз.

„Ви посакувам убави поминати забавни вечери сите овие 4 дена од Пиво фест, а воедно уживајте во добрата забава, вкусната скара и ладното пиво. На здравје“, истакна синоќа на отворањето на 18-от ред Пиво фест во Прилеп, градоначалникот Борче Јовчески. 

Пиво фест е најмасовната и најпозната фестивалска манифестација во Македонија. Пред присутните настапија:  Елена Петреска, Балканика, Нино Величковски, Ален Хасановиќ, Наум Петрески, Љубојна, ДНК и Џамбо Агушев оркестра. Посетителите велат дека по 2 години пауза полека се враќа стариот сјај на Фестивалот. 

„Нема подобро, треба дружба, ние доаѓаме од Скопје“, вели еден посетител.

„Од странство сум, годинава прв пат сум, оценката е чиста 10 за фестивалот“, вели друг посетител.

Прилеп се подготвува за третата фестивалска вечер на “Пиво Фест”, а една од музичките ѕвезди која ќе има настап на фестивалската сцена вечерва е Ламбе Алабаковски.

Во пресрет на неговиот настап во Прилеп, Алабаковски на Фејсбук напиша: “Утре 20:30 “Прилеп Че гори а пиво ќе го Гаси”

Во Прилеп се одржува фестивалот на пивото, скарата и добрата музика „Пиво Фест 2022“.

Штандовите и за време на втората фестивалска вечер беа преполни со посетители, а забавата која започна во 19 часот со настапот на Рок Блуз бенд, продолжи со настапите на Игор Џамбазов и Гуру Харе, Нокаут, Ареа, Дивље Јагоде, за да кулминира со енергичниот настап на Брас Брадрс. На алтернативната сцена свои дј сетови имаа Dj Anna Noo­dle и Dj Lili Diva.

Со настапот на Елена Петреска, вечерва во Прилеп, по две годишна пауза, започнува фестивалот на пивото, скарата и добрата музика „Пиво Фест 2022“.

Градот домаќин е веќе подготвен да ги пречека гостите, кои според најавите од хотелиерите и угостителите, ќе ги има, не само од земјава, туку и од регионот, а се очекуваат 100-ци илјади гости, за време на четирите фестивалски денови. Организаторите од продукцијата АРТ 10, велат дека штандовите се веќе подготвени да ги пречекаат првите гости. Ќе се точат над 30-тина видови пиво и ќе се дегустира вкусната прилепска скара.

Градоначалникот на Прилеп, Борче Јовечески и органзизаторот на овогодишното издани на продукцијата Арт 10 Пиво Фест 2022, денеска, пред новинарите изјавија дека се’ е максимално подговено за 18 –то издание на најголемиот фестивална пивото и скарата во Македонија и на Балканот, Пивофест 2022 .

„Мора да признаеме дека овој „Пиво фест„ со сите овие политички сличувања, здравствената криза, енергетската, економската криза, беше под знак прашање дали ќе се одржи , но ете за краток период го организиравме и се надевам дека ќе го врати сајајот кој го имаше на туристичката фестивалска мапата, на најубави фестивал во Македонија и на Балканот. Обезбедена е одлична музичка програма, градот е подготвен да ги прими сите посетители кои со своите автомобили ќе пристигнуваат на фестивалските денови, а, во однос на јавниот ред и мир , чистотата, хигиената на градот , водоснабдувањето, благодарение на работењето на ЈКП ‚Прилеп ќе биде организационо беспрекорен. Во контекст на тоа очекуваме 100 –ци илијади, гости во 4-те фестивалски денови.

Прилеп е подготовен за 18. издание на една од најголемите летни забавни фестивалски манифестации – „Пивофест“. За сообраќај е затворено централното подрачје и веќе се поставуваат штандовите и сцените за четиридневното одржување на Фестивалот. Пивофест ќе почне утре, на 14 јули и ќе трае сѐ до недела, односно 17 јули.

Од утрово се монтира фестивалската сцена во центарот на Прилеп, каде од 14–17 јули ќе се одржи 18-то издание на најмасовната манифестација во Македонија, “Пиво Фест” 2022.

Четврток, 14 јули, програмата на главна сцена започнува во 18.00 часот, а настапуваат: Елена Петреска, Балканика, Нино Величковски, Ален Хасановиќ, Наум Петрески, Љубојна, ДНК, Џамбо Агушев оркестра, додека пак на алтернативната сцена ќе настапи DJ Mario Eddie.

Од денес, 12 –ти јули до 18-ти јули, во Прилеп, поради потребите на Пиво – фестот 2022, се воведува нов сообраќаен режим во централното градско подрачје.

За сите оние кои планираат да го посетат Прилеп овие денови, но и за прилепчани кои сакаат да ги користат своите автомобили, поради организирање на манифестацијата „Пиво фест“ и поставување и монтирање на штандовите на пиварниците и угостителите , во наредните 7 дена, почнувајќи од денеска, дел од Булеварот „Гоце Делчев“ од крстосницата со ул. „Кузман Јосифоски“ до крстосницата со ул. „Прилепски Бранители“ ќе биде затворен, а сообраќајот ќе се пренасочи кон околната улична мрежа.

Прилеп по 18. пат ќе биде домаќин на најмасовниот и најпопуларниот фестивал на пивото, скарата и убавата музика „Пивофест 2022“.

Годинава „Пивофест“ ќе има четири фестивалски вечери, со две сцени, една главна и една алтернативна, а најголем акцент е ставен на македонската музика и македонските изведувачи.

Прилеп по 18. пат ќе биде домаќин на најмасовниот и најпопуларниот фестивал на пивото, скарата и убавата музика „Пивофест 2022“.

Годинава „Пивофест“ ќе има четири фестивалски вечери, со две сцени, една главна и една алтернативна, а најголем акцент е ставен на македонската музика и македонските изведувачи.